.
.
.
ياصاحبي سولف وأنا أعطيك سمعي
..........................يمكنك تجلي عن القلب ما جاه
ياللي لأجلك رافع الكفّ وادعي
..........................الله يحقق للغضي ماتمناه
لوّي أشح بشئ ما شحّ دمعي
..........................شايف سحاب العين ما يبخل بماه
في يوم عيدك يالغضي جبت شمعي
..........................وحاولت أخلي ضيقتي وأتناساه
وأشعلت شمعي بنار شعري وسجعي
..........................وأقول غاب وعذر من غاب ويّاه
وتاهت بي الأفكار واشتد وجعي
..........................وطفيت شمعي بحرّ مابي من الآه
مع الأسف ياصاحبي خاب رمعي
..........................وأنا أحسب إنك طبّ قلبي وسلواه
من يومها وأنا ارفع الكف وادعي
..........................يالله تحقق للغضي ما تمناه
ليست هناك تعليقات:
إرسال تعليق